KUNG BABASTEDIN MO AKO*
(Para sa isang Kaopisinang nabasted at sa kaopisinang bumasted sa kanya)
Kung babastedin mo ako
Wag mo naman sanang sabihin nang diretso
Hinay hinay naman at masakit na ito
Pagkat puso’y sawa nang mabigo,
Kung babastedin mo ako
Pwede bang daanin mo sa isang tula?
Maganda yung may sukat at tugma
Para maranasan ko man lang ang maalayan ng mga talata.
Kung babastedin mo ako
Sana’y “Can we still be friends” ang theme song mo
Nais ko man lang madinig kang umawit
Kahit pag-ibig ko sa iyo’y di ko na maipilit.
Kung babastedin mo ako
Wag mo na akong miskolan o iti-txt man lang
Ayoko nang tumunog ang cellphone ko
Kung hindi naman love quotes ang ipo-forward mo.
Kung paiiyakin mo ako
Bigyan mo sana ako ng tissue
Maramdaman ko man lang na kahit papaano
Na ako’y pinagmalasakitan mo.
Kung isosoli mo ang mga regalo ko
Yakapin mo naman yung teddy bear na bigay ko
Kahit wag na yung mga bulaklak
Pati tsokolateng hindi mo gusto.
Pag tapos na akong lumuha
At tigang na ang mata
Huwag kang maawa dahil lalo akong kawawa
Wag mo akong sisihin kung sa susunod na bukas
Kung di na kita yayain kumain sa labas
Binasted mo na ako, katapusan na nitong mundo
Maghahanap na lang ako ng ibang wawasak sa puso ko.
*unpublished up to this date (may dispute pa kse sa printing ng Andamyo 2005)
