Huwag na lang sana
Huwag mo na lang akong damayan
Kung naaawa ka lang sa akin
Huwag mo na lang akong lapitan
Kung gusto mo naman akong layuan
Huwag mo na lang akong hawakan
Kung di mo naman sasamyuin ang pagmamahal,
Huwag mo na lang akong samahan sa paglaban,
Kung di kita makakapiling sa tagumpay
Huwag mo na lang akong yakapin
Kung dir in lang mahigpit at taos-puso
Baka lalo lang akong mahulog sa bitag ng iyong pagsuyo
Huwag mo na lang akong kausapin
Kung dir in lang makabuluhan ang iyong sasabihin
Ang nais ko’y katotohanan na lamang sa mundo.
Huwag mo na lang akong awitan
Kung dir in lang sa akin ang iyong pagsinta
Huwag mo na lang akong iduyan
Kung sa huli nama’y ako’y iyong iiwan.
Huwag mo na lang akong hawakan
Kung dir in lang madarama ang iyong saloobin
Wag na lang, sa akin ika’y makipagniig
Kungdi rin lang kasama ang iyong kaluluwa
Huwag na lang tayo’y maghalikan
Kung di rin lang iinit ang pag-ibig mo
Huwag mo na lang akong pangakuan
Kung di rin lang iinit ang pag-ibig mo
Huwag na lang kung guguhit ka ng mga
Hinuhang pang-aliw sa malungkot kong mukha
Wag ka na lang magtayo ng pag-asa
Kung sa buhangin mo ito ihuhulma
Tuyo na ang akung mata ngunit
Nais ko pang tumangis
Piga na ang luha sa aking mga mata
Natigang na ang tubig sa may tulay
Malapit na ring maubos ang aking pasensiya
Kaya pakiusap, huwag na lang
sana .
